நம்பிக்கை பல வகையுண்டு. தன்னம்பிக்கை, குருட்டு நம்பிக்கை, மூட நம்பிக்கை, தெய்வ நம்பிக்கை என நீண்டு கொண்டே போகும்.

​

ஒருவரை வெகுவாக பாதிக்கும் செயல் நம்பிக்கை துரோகம். 
அளவற்ற நம்பிக்கை வைத்தவர்களை ஏமாற்றி பலன்பெறுபவர் நம்பிக்கை துரோகி. 

​

அந்த மனிதரை, நம்பிக்கை துரோகியாக்கியது நாம்தான்.
அளவு கடந்து ஒருவர் மீது நாம் வைக்கும் நம்பிக்கை, குருட்டு நம்பிக்கை.

​

யாரையும் நூறு சதவீதம் நம்புவது தவறு. 
அளவுக்கு அதிகம் நம்புவதும், அதனால் ஏமாற்றப்படுவதும் காலம்காலமாக நடக்கும் செயல்களே.

​

உறவுகள், நண்பர்கள், உயர்ந்தவர்கள், உத்தமர்கள், என்று எப்படிப்பட்டவர் ஆயினும், முழுமையாக நம்புவது, ஒரு தருணத்தில் ஏமாற்றத்திலும், மனவேதனையிலும் முடியும்.

​

மனிதர்கள் முகமூடி அணிந்தவர்கள். உண்மை முகத்தை பார்க்க முடியாது. 

பொய் முகம் மிகவும் அழகு நிறைந்தது. நம்பிக்கை கொடுக்கக்கூடியது.

​

ஏமாற காத்திருக்கும் ஏமாளிகளை, எளிதில் கண்டுபிடித்து ஏமாற்றிவிடுவார்கள், இந்த நம்பிக்கை துரோகிகள்.
அவர்களிடம் இருந்து தற்காத்துக்கொள்ள இருக்கும் ஒரே ஆயுதம் - அளவுக்கு மீறி யாரையும் நம்பாமல் இருப்பது ஒன்றே.