சிரிப்பு மனிதர்களுக்கு கிடைத்த சிறப்பு.

​

பச்சிளம் குழந்தையின் மழலை சிரிப்பு முதல் பல் போன பொக்கை வாய் வயோதிகர் சிரிப்புவரை வகைகள் பல உண்டு. 

​

சிரிப்பின் நன்மைகள் பற்பல உண்டு. 
சிரிக்க மறுப்பவர்களும் இங்கு உண்டு. 

​

பிறர் மனம் நோகாமல் சிரித்து மகிழ்தல்  சிறப்பானது.
பிறரை அவமானப்படுத்தி பேசி அதில் சிரித்து மகிழ்வது மனித தன்மையற்றது.

​

மனம்விட்டு சிரியுங்கள். முகம் மலர சிரியுங்கள். கள்ளமில்லாமல் சிரியுங்கள். 

மனம் லேசாகும் பாருங்கள். 
இதயம் பலம்பெறும் காணுங்கள். 
நோய்விட்டோடும் நோக்குங்கள். 
பலரும் உங்களை நேசிப்பதை கவனியுங்கள். 

​

சிரிப்பின் நன்மைகள் ஏராளம். 
சிரிக்க மறந்தவர் பல நன்மைகளை இழக்கிறார்.

​

பிறர் மனது புண்படுத்தும் புன்னகை அது புண் நகை. 
எல்லோரும் சிரித்து மகிழ்ந்தாலும் , எவர் மனதும் புண்படவில்லை என்றால் , அதுவே மனிதத்தன்மையுள்ள சிறப்பான சிரிப்பு. 

​

புண்படுத்தாது புன்னகையுங்கள் 
பண்பாடு மறவாதீர்கள்