பூமியில் உள்ள அனைத்து உயிர் இனங்களில் உள்ள பெண் இனம் முழுவதுமே படைப்பாளிகள். 

​

பெண் உயிரினங்கள் படைப்பதை நிறுத்திக்கொண்டால், அத்தனை உயிரினங்களும் அழிந்து, இல்லாது போயிருக்கும்.

​

பெண் இல்லையேல் இன்னுமொரு பெண்ணுமில்லை, ஆணுமில்லை.
பெண்ணே பெண்ணையும் படைக்கின்றாள், ஆணையும் படைக்கின்றாள்.

​

பெண்ணாலேதான் இங்கு உயிரினங்கள் உற்பத்தி ஆகின்றது.
பெண் முடிவு செய்தால் மட்டுமே இங்கு உற்பத்தியான சிசுக்கள் உயிர் வாழ முடியும்.

​

பிறந்த குழந்தைக்கு பால் புகட்டி, பாதுகாவல் புரிந்து, பேணி வளர்க்காவிட்டால், இங்கு நான் ஏது, நீ ஏது, நாம் ஏது.

​

இன்றைய மனித கூட்டம் பெண்கள் கொடுத்த கொடை.

​

நம்மை சுமந்து, வலிமிகுதியில் பெற்றெடுத்து, உயிர்ப்புடன் உலாவர உதிரப்பால் உவந்து கொடுத்து, தன்பசி, சுகம் மறந்து, நாம் நோய்யற்று நலமுடன் வளர்ச்சி பெற, உதவிய உன்னத பெண் இனத்தை, போற்றி காப்பதே சிறப்பாகும்.